ପାଟଣା, ଫେବ୍ରୁଆରୀ ୦୪ : ବିହାରର ରାଜଧାନୀ ପାଟଣାରେ ଏକ ଅଭାବନୀୟ ଘଟଣା ଘଟିଛି । ଏଠାରେ ଜଣେ ଯୁବକ ୨ଜଣ ନାବାଳିକାଙ୍କୁ ୩ ମହଲା କୋଠା ଉପରୁ ଫିଙ୍ଗି ଦେଇଛି । ଏଥିରୁ ଜଣଙ୍କର ମୃତ୍ୟୁ ହୋଇଛି । ଅନ୍ୟ ଶିଶୁକନ୍ୟାକୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଯାଇଛି । ଅଭିଯୁକ୍ତକୁ ନେଇ ଯାଉଥିବା ବେଳେ ଲୋକେ ପୋଲିସ ଉପରକୁ ପଥରମାଡ଼ କରିଛନ୍ତି । ଏଥିରେ ୫ ଜଣ ପୋଲିସ କର୍ମଚାରୀ ଆହତ ହୋଇଛନ୍ତି । ଏଥି ସହିତ ଉତ୍ତେଜିତ ଲୋକେ କିଛି ଯାନବାହନରେ ନିଆଁ ଲଗାଇ ଦେଇଛନ୍ତି । ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି । ଏହି ଘଟଣା ପାଟଣା ସହରର ବାହାଦୂରପୁର ଅଞ୍ଚଳରେ ଘଟିଛି । ସ୍ଥାନୀୟ ୱାର୍ଡ ପାର୍ଷଦ ସତୀଶ କୁମାର ଗଣମାଧ୍ୟମକୁ କହିଛନ୍ତି ଯେ, ରାମକୃଷ୍ଣ କଲୋନୀରେ ମୁନ୍ନାର ଘର ରହିଛି । ଏଠାରେ ଫଳ ବ୍ୟବସାୟ କରୁଥିବା ନନ୍ଦଲାଲ ଗୁପ୍ତାଙ୍କ ପରିବାର ରୁହନ୍ତି । ତାଙ୍କର ୨ ଜଣ ଶିଶୁକନ୍ୟା, ଯେଉଁମାନଙ୍କ ନାମ ଶାଲୁ ଓ ସଲୋନୀ । ସାନଝିଅର ବୟସ ୧୦ ବର୍ଷ ହୋଇଥିବା ବେଳେ ବଡ଼ଝିଅର ବୟସ ୧୨ ବର୍ଷ । ଗୁରୁବାର ବିବେକ ନାଁରେ ଜଣେ ଯୁବକ ୫ ମହଲା କୋଠା ଉପରୁ ଫିଙ୍ଗି ଦେଇଥିଲା । ଏଥିରୁ ଜଣେ ଶିଶୁକନ୍ୟାର ମୃତ୍ୟୁ ହୋଇଛି । ତେବେ ଅଭିଯୁକ୍ତ ଶିଶୁକନ୍ୟାକୁ ଫିଙ୍ଗିବାର କାରଣ କହୁନାହିଁ । ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ।
୩ ମହଲା କୋଠାରୁ ୨ ଶିଶୁକନ୍ୟାଙ୍କୁ ଫିଙ୍ଗିଦେଲା ଯୁବକ
![](https://www.headlinesodishatv.com/wp-content/uploads/2022/02/khabar-odisha-Crime-Minor-girl-die-1-4D9C84A3-E469-434A-8B7F-58699496773C.jpg)
More Stories
ବହୁ ଚର୍ଚ୍ଚିତ ନଦୀରୁ ଇନ୍ଦୁପୁର ନଦୀ ପୋଲ୍ହ ରୁ ପେଲି ମାରିଦେବା ଘଟଣାରେ ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କଲା ନିକିରାଇ ପୋଲିସ l
ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ରେଡ଼ ।
ସ୍ୱାସ୍ଥ୍ୟ ମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ଡାଇରିଆ ଅଣାୟତ : ୮ ମୃତ ୭୧ ଆକ୍ରାନ୍ତ