ମମିତା ମେହେର ହତ୍ୟା ମାମଲାରେ ଆନ୍ଦୋଳନ ଜୋର କରିବ ବିଜେପି

ଭୁବନେଶ୍ୱର, ଡିସେମ୍ବର ୨ :ମମିତା ମେହେର ହତ୍ୟା ମାମଲାରେ ଆନ୍ଦୋଳନ ଜୋର କରିବ ବିଜେପି । ଆସନ୍ତା ୯ ତାରିଖରେ ବିଜେପି ଯୁବମୋର୍ଚ୍ଚା ପକ୍ଷରୁ ବିଧାନସଭା ଘେରାଉ କରିବାର ନିଷ୍ଫତି ହୋଇଛି । ମମିତାଙ୍କୁ ନ୍ୟାୟ ନମିଳିବା ପର୍ଯ୍ୟନ୍ତ ଆନ୍ଦୋଳନ ଜାରି ରଖିବା ନେଇ ପ୍ରେସ ମିଟ୍ କରି କହିଲା ବିଜେପି ।ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ବହିଷ୍କାର ଓ ସିବିଆଇ ତଦନ୍ତ ନହେବା ପର୍ଯ୍ୟନ୍ତ ଆନ୍ଦୋଳନ ରଖାଯିବ ନେଇ ସୂଚନା ଦେଇଛନ୍ତି ବିଜେପି ଯୁବ ମୋର୍ଚ୍ଚା ଇରାଶିଷ ଆଚାର୍ଯ୍ୟ । ତେବେ ଅନ୍ୟ ପଟେ ମଧ୍ୟ ଏହି ମାମଲାର ସଠିକ୍ ତଦନ୍ତ ପାଇଁ ଡ଼ିଜିପିଙ୍କୁ ଭେଟିଛି କଂଗ୍ରେସ । ଏହା ପରେ ନରସିଂହ ମିଶ୍ର ସୁଚନା ଦେଇଛନ୍ତି ଯେ ତଦନ୍ତ ଠିକ୍ ଢଙ୍ଗରେ ହେଉନିି । ହତ୍ୟାର କାରଣ କଣ ,କାହିଁକି ହତ୍ୟା କରାଗଲା ସେନେଇ କିଛି ସ୍ପଷ୍ଟ କରାଯାଉ ନାହିଁ । ମନ୍ତ୍ରୀ ଓ ଅନ୍ୟ ଷଡ଼ଯନ୍ତ୍ରକାରୀଙ୍କୁ ଖସାଇବାକୁ ଚେଷ୍ଠା କରାଯାଉଥିବା କଥା ମଧ୍ୟ କହିଛନ୍ତି । ହାଇକୋର୍ଟରେ ଜଣେ ଜଜ୍‌ଙ୍କ ତତ୍ତ୍ୱାବଧାନରେ ଏସଆଇଟି କରି ତଦନ୍ତ କରାଯାଉ ବୋଲିସ ମଧ୍ୟ ଅଭିଯୋଗ ହୋଇଛି । ଡ଼ିଜି ନିଜ କ୍ଷମତା ବଳରେ ହାଇକୋର୍ଟକୁ ଲେଖି ଏସଆଇଟି ଗଠନ କରି ତଦନ୍ତ କରାନ୍ତୁ ବୋଲି ମଧ୍ୟ କୁହାଯାଇଛି ।