ଗୋପାଳପୁର ନିର୍ବାଚନମଣ୍ଡଳୀରେ କାର୍ତ୍ତିକ ପାଣ୍ଡିଆନଙ୍କ ରୋଡ଼ ଶୋ ‘**

ଗୋପାଳପୁର ନିର୍ବାଚନମଣ୍ଡଳୀରେ କାର୍ତ୍ତିକ ପାଣ୍ଡିଆନଙ୍କ ରୋଡ଼ ଶୋ ‘

ବ୍ରହ୍ମପୁର /ଗୋପାଳପୁର :- ଗୋପାଳପୁର ନିର୍ବାଚନମଣ୍ଡଳୀରେ ବିଜେଡି ଷ୍ଟାର ପ୍ରଚାରକ କାର୍ତ୍ତିକ ପାଣ୍ଡିଆନ ରୋଡ ସହ କରି ଭୋଟରଙ୍କୁ ନିକଟତର କରିଛନ୍ତି l ଗୋପାଳପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ବ୍ରହ୍ମପୁର ମହାନଗର ନିଗମର ୩୭ ଓ ୩୮ ନମ୍ବର ୱାର୍ଡରେ ଭିକେ ପାଣ୍ଡିଆନ ଗୋପାଳପୁର ବିଧ୍ୟାୟକଙ୍କ ପାଇଁ
ଭୋଟ ଭିକ୍ଷା କରିଥିଲେ l ଗୋପାଳପୁରରେ ହଜାର ହଜାର ସମର୍ଥକଙ୍କ ଗହଣରେ ରୋଡ୍ ଶୋ କରିବା ପରେ ବିରୋଧୀଙ୍କ ମିଥ୍ୟା ଓ ମନଗଢ଼ା କଥାକୁ ବିଶ୍ଵାସ ନ କରି ବିଜେଡି ପ୍ରାର୍ଥୀଙ୍କୁ ଭୋଟଦେଇ ବିଜୟ କରାଇ ଷଷ୍ଠଥର ପାଇଁ ନବୀନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ କରାଇବାରେ ସହଯୋଗ କରିବାକୁ ସେ ଜନସାଧାରଣଙ୍କୁ ଅନୁରୋଧ କରିଥିଲେ l ବିଜେଡିର ହଜାର ହଜାର କାର୍ଯ୍ୟକର୍ତ୍ତାଙ୍କ ଗହଣରେ ଗୋପାଳପୁରରୁ ବିରାଟ ବାଇକ୍ ଶୋଭାଯାତ୍ରାରେ ଆସି ଲାଞ୍ଜିପଲ୍ଲୀ ଗାଇଗୋଠ ପଡିଆରେ ପହଞ୍ଚି ଥିଲେ ପାଣ୍ଡିଆନ୍ l ବର୍ଷା ସତ୍ତ୍ବେ ଏତେ ସଂଖ୍ୟାରେ ଜନସମାଗମ ଦେଖି ଜନସାଧାରଣଙ୍କୁ କୃତଜ୍ଞତା ଜଣାଇ ବିଜେଡିର ସାଂସଦ ପ୍ରାର୍ଥୀ ଭୃଗୁ ବକ୍ସିପାତ୍ର ଓ ବିଧାୟକ ପ୍ରାର୍ଥୀ ବିକ୍ରମ କୁମାର ପଣ୍ଡାଙ୍କୁ ଡବଲ ଶଙ୍ଖ ଚିହ୍ନରେ ଭୋଟଦେଇ ବିଜୟୀ କରାଇବାକୁ ଭୋଟର ମାନଙ୍କୁ ଅନୁରୋଧ କରିଥିଲେ l ପରେ ସେ ଗୋପାଳପୁର ନିର୍ବାଚନମଣ୍ଡଳୀ ଅଧୀନ କୁକୁଡାଖଣ୍ଡି ବ୍ଲକ୍ ଅନ୍ତର୍ଗତ ଲୋଚାପଡ଼ା ପଞ୍ଚାୟତର କାଳୀ ମନ୍ଦିର ନିକଟରେ ଆୟୋଜିତ ବିଶାଳ ଜନସଭା ଯୋଗ ଦେଇଥିଲେ l ରୋଡ୍ ଶୋ ଓ ସଭାରେ ବ୍ରହ୍ମପୁର ସାଂସଦ ଚନ୍ଦ୍ରଶେଖ ଶଖର ସାହୁ, ରାଜ୍ୟସଭା ସାଂସଦ ମାନସ ମଙ୍ଗରାଜ, ବ୍ରହ୍ମପୁର ଲୋକ ସଭା ପ୍ରାର୍ଥୀ ଭୃଗୁ ବକ୍ସିପାତ୍ର, ବିଧାୟକ ପ୍ରାର୍ଥୀ ବିକ୍ରମ କୁମାର ପଣ୍ଡାଙ୍କ ସମେତ ଗୋପାଳପୁର ବିଜୁ ଜନତା ଦଳର ସମସ୍ତ ନିର୍ବାଚିତ ପ୍ରତିନିଧ୍, ଦଳୀୟ କର୍ମୀ ଉପସ୍ଥିତ ଥିଲେ l