Headlines Odisha Tv

An Odia News Portal

ସଲ୍ଲୁ ମିଆଁଙ୍କ ସହ ଫିଲ୍ମ କରିବାକୁ ସୁରଜ ବଡଜାତ୍ୟାଙ୍କ ଘୋଷଣା

ମୁମ୍ଵାଇ ୨୨।୧୦: ଚଳଚ୍ଚିତ୍ର ନିର୍ମାତା ସୁରଜ୍‌ ବଡଜାତିୟା। ବର୍ତ୍ତମାନ ତାଙ୍କ ଆଗାମୀ ଚଳଚ୍ଚିତ୍ର ‘ଉନଚାଇ’ ବିଷୟରେ ଖୁବ୍‌ ଆଲୋଚନା କରାଯାଉଛି। ‘ଉନଚାଇ’ର ପ୍ରମୋସନ ମଧ୍ୟ ଜୋରସୋରରେ ଚାଲିଛି ଏବଂ ଫିଲ୍ମ ବିଷୟରେ ଅନେକ ପ୍ରକାରର ଖବର ଆସୁଛି । ସୁରଜ୍‌ କହିଛନ୍ତି ଯେ ‘ଉନଚାଇ’ ନିର୍ମାଣ କରିବା ସମୟରେ ସେ ସମସ୍ତ ସମ୍ପର୍କ ଭାଙ୍ଗିଥିଲେ। କେବଳ ସେତିକି ନୁହେଁ ସେ ସଲମାନ ଖାନଙ୍କୁ ଫିଲ୍ମରେ ନେବାକୁ ମନା କରିଦେଇଥିଲେ। ହେଲେ ଏହି ସମୟ ମଧ୍ୟରେ ପ୍ରଶଂସକଙ୍କ ପାଇଁ ଏକ ଖୁସି ଖବର ଅଛି । କାରଣ ‘ଉନଚାଇ’ ପରେ ପୁଣି ଥରେ ସଲମାନଙ୍କ ସହ ସୁରଜ୍‌ଙ୍କ ଯୋଡି ଦେଖିବାକୁ ମିଳିବ। ହମ୍‌ ଆପକେ ହୈଁ କୌନ, ମେନେ ପ୍ୟାର୍ କିୟା, ହମ୍ ସାଥ୍ ସାଥ୍ ହେଁ ଭଳି ଅନେକ ହିଟ୍ ଫିଲ୍ମ ଦେଇଥିବା ସଲମାନ ଖାନ୍ ଏବଂ ସୁରଜ୍‌ ବଡଜାତ୍ୟା ଯୋଡି ଫେରୁଛି। ଦୁହେଁ ଫିଲ୍ମରେ ଦର୍ଶକଙ୍କୁ କେବଳ ମନୋରଞ୍ଜନ କରିନାହିଁ, ବକ୍ସ ଅଫିସରେ ମଧ୍ୟ ସଫଳ ପ୍ରମାଣିତ ହେବ। ଏଭଳି ପରିସ୍ଥିତିରେ ସୁରଜ କହିଛନ୍ତି ଯେ ସେ ‘ଉନଚାଇ’ ପରେ ସଲମାନଙ୍କ ସହ ଏକ ଫିଲ୍ମ କରିବେ। ଯାହା ଏକ ପାରିବାରିକ ଚଳଚ୍ଚିତ୍ର ହେବ। ଯେଉଁଥିରେ ସେ ହସ, ଥଟ୍ଟା, ମଜା ଗୀତ ଇତ୍ୟାଦି ରହିବ। ଏନେଇ ସେ ସୂଚନା ଦେଇଛନ୍ତି ଯେ ଏହି ଚଳଚ୍ଚିତ୍ରରେ ସଲମାନଙ୍କ ନାମ ମଧ୍ୟ ପ୍ରେମ ହେବ। ପ୍ରଶଂସକମାନେ ଆଶା କରୁଛନ୍ତି ଯେ ବଲିଉଡରେ ପୁଣି ଥରେ ଇତିହାସ ସୃଷ୍ଟି କରିପାରିବ।