Headlines Odisha Tv

An Odia News Portal

ବିସିସିଆଇ ସଭାପତି ସୌରଭ ଗାଙ୍ଗୁଲି କରୋନା ସଂକ୍ରମିତ

ନୁଆଦିଲ୍ଲୀ, ଡିସେମ୍ବର ୨୮ : ବିସିସିଆଇର ସଭାପତି ସୌରଭ ଗାଙ୍ଗୁଲି କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ସୋମବାର ରାତିରେ ତାଙ୍କ ରିପୋର୍ଟ କରୋନା ପଜିଟିଭ୍ ଆସିଛି, ତାଙ୍କର କରୋନା ର ସାଧାରଣ ଲକ୍ଷଣ ଦେଖା ଦେଇଥିବା ଜଣା ପଡିଛି। କରୋନା ସଂକ୍ରମିତ ହେବା ପରେ ଗାଙ୍ଗୁଲିଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ୪୯ ବର୍ଷିୟ ଗାଙ୍ଗୁଲି ଗୋଟିଏ ବର୍ଷ ମଧ୍ୟରେ ଦ୍ୱିତୀୟ ଥର ପାଇଁ ଡାକ୍ତରଖାନାରେ ଭର୍ତ୍ତ ହୋଇଛନ୍ତି। ଏହାପୂର୍ବରୁ ଜାନୁଆରୀ ମାସରେ ହୃଦଘାତ ହେତୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ସେ କରୋନା ଟିକା ଦୁଇଟି ଡୋଜ୍ ନେଇସାରିଛନ୍ତି। ଏହା ସତ୍ତ୍ୱେ ତାଙ୍କର କରୋନା ରିପୋର୍ଟ ପଜିଟିଭ୍ ଆସିଛି। ଦେଶରେ ଓମିକ୍ରନ୍ ବଢୁଥିବା ମାମଲା ମଧ୍ୟରେ ଗାଙ୍ଗୁଲିଙ୍କ ସଂକ୍ରମଣ ଏକ ଚିନ୍ତାର ବିଷୟ। ଭାରତ ଆଫ୍ରିକା ଗସ୍ତ ପୂର୍ବରୁ ଗାଙ୍ଗୁଲି ମଧ୍ୟ ଅନେକ ବିବାଦରେ ଥିଲେ। ଏହି ଗସ୍ତର ଠିକ ପୂର୍ବରୁ ବିସିସିଆଇ ବିରାଟ କୋହଲିଙ୍କ ବଦଳରେ ରୋହିତ ଶର୍ମାଙ୍କୁ ଦିନିକିଆ ଅଧିନାୟକ ଭାବରେ ନିଧୁକ୍ତ କରିଥିଲା। ଏହା ପରେ ଗାଙ୍ଗୁଲି କହିଥିଲେ ଯେ କୋହଲିଙ୍କ ସହ କଥା ହେବା ପରେ ତାଙ୍କୁ ଦିନିକିଆ ଅଧିନାୟକତ୍ୱରୁ ହଟାଇ ଦିଆଯାଇଛି। ତେବେ ପରେ ବିରାଟ ଏକ ସାମ୍ବାଦିକ ସମ୍ମିଳନୀରେ କହିଥିଲେ ଯେ ତାଙ୍କୁ ଦିନିକିଆ ଅଧିନାୟକତ୍ୱରୁ ହଟାଇବାର ଦେଢ ଘଣ୍ଟା ପୂର୍ବରୁ ତାଙ୍କୁ ଏହି ବିଷୟରେ ଅବଗତ କରାଯାଇଥିଲା। କୋହଲିଙ୍କ ବିବୃତ୍ତିରେ ଗାଙ୍ଗୁଲି କହିଥିଲେ ଯେ ସେ ବର୍ତ୍ତମାନ ଏହି ବିଷୟରେ କିଛି କହିବେ ନାହିଁ, ବୋର୍ଡ ଏହି ବିଷୟରେ ସଠିକ୍ ମୁକାବିଲା କରିବ।