Headlines Odisha Tv

An Odia News Portal

ବିଜେପି ନେତାଙ୍କୁ ଗୁଣ୍ଡାଗର୍ଦ୍ଦି କରିବା ମହଙ୍ଗା ପଡ଼ିଲା: ବେଆଇନ ଘର ଉପରେ ଚାଲିଲା ବୁଲଡୋଜର

ନଏଡା: ବିଜେପିର ଦବଙ୍ଗ ନେତାଙ୍କ ଗୁଣ୍ଡାଗର୍ଦ୍ଦି ପରେ ନୋଏଡ଼ା ପ୍ରଶାସନର ଆକ୍ସନ । ମହିଳାଙ୍କୁ ଦୁର୍ବ୍ୟବହାର କରିଥିବା ବିଜେପି ନେତା ଶ୍ରୀକାନ୍ତ ତ୍ୟାଗୀଙ୍କ ଘର ଭାଙ୍ଗିଛି ପ୍ରଶାସନ । ବୁଲଡୋଜର ଯୋଗେ ନୋଏଡ଼ାର ଗ୍ରାଣ୍ଡ ଓମାକ୍ସ ସୋସାଇଟିରେ ଥିବା ଶ୍ରୀକାନ୍ତ ତ୍ୟାଗୀଙ୍କ ଫ୍ଲାଟର ଅବୈଧ ନିର୍ମାଣକୁ ଭାଙ୍ଗି ଦିଆଯାଇଛି । ସୋସାଇଟି କମନ ଏରିଆରେ ଗଛ ଲଗାଇବାକୁ ନେଇ ଜଣେ ମହିଳାଙ୍କ ସହ ଶ୍ରୀକାନ୍ତଙ୍କର ଯୁକ୍ତିତର୍କ ହୋଇଥିଲା । ତେବେ ଶ୍ରୀକାନ୍ତ ମହିଳାଙ୍କୁ ଠେଲାପେଲା କରିବା ସହ ଗାଳିଗୁଲଜ କରିଥିଲେ । ଏପରିକି ମହିଳାଙ୍କ ସ୍ବାମୀ ଓ ପିଲାଙ୍କୁ ମଧ୍ୟ ଦୁର୍ବ୍ୟବହାର କରିଥିଲେ । ଏହାର ଭିଡିଓ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସ ଆକ୍ସନ ନେଇଥିଲା । ଦବଙ୍ଗ ନେତାଙ୍କୁ ଗିରଫ ପାଇଁ ପୋଲିସର ୧୨ଟି ଟିମ୍ ଖୋଜାଖୋଜି କରୁଥିବା ବେଳେ ସେ ଋଷୀକେଶରେ ଲୁଚି ରହିଥିବା କୁହାଯାଉଛି । ଶ୍ରୀକାନ୍ତ ନିଜ ଫ୍ଲାଟ ଆଖପାଖରେ ବେଆଇନ ନିର୍ମାଣ କରିଥିବା ବେଳେ ସୋସାଇଟିର ମେଣ୍ଟେନାନ୍ସ ଚାର୍ଜ ମଧ୍ୟ ଦେଉ ନଥିବା ଅଭିଯୋଗ ହୋଇଥିଲା