ପଞ୍ଚ ତାରକା ହୋଟେଲ୍‌ ଉପରେ ଅସଦାଚରଣର ଅଭିଯୋଗ ଆଣିଲେ କଣ୍ଠଶିଳ୍ପୀ ଅଙ୍କିତ୍‌ ତିୱାରୀ

ନୂଆଦିଲ୍ଲୀ ୨୩।୦୪: ସାଧାରଣତଃ ଲୋକମାନେ ଭାବନ୍ତି ଯେ ବଲିଉଡ ତାରକାମାନେ ଅତ୍ୟନ୍ତ ଆରାମଦାୟକ ଜୀବନଯାପନ କରନ୍ତି। କିନ୍ତୁ ବେଳେବେଳେ ସେଲିବ୍ରେଟମାନଙ୍କୁ ମଧ୍ୟ ବିଭିନ୍ନ ସମସ୍ୟାର ସାମ୍ନା କରିବାକୁ ପଡେ। ଯାହାକୁ ନେଇ ଅନେକ ଥର ସେଲିବ୍ରେଟମାନେ ସୋସିଆଲ ମିଡିଆରେ ସେମାନଙ୍କ ସହ ହୋଇଥିବା ଅସଦାଚରଣ ବିଷୟରେ ଉଲ୍ଲେଖ କରିଛନ୍ତି। ନିକଟରେ ଗାୟକ ତଥା କଣ୍ଠଶିଳ୍ପୀ ଅଙ୍କିତ ତିୱାରୀଙ୍କ ସହ ମଧ୍ୟ ସମାନ ଘଟଣା ଘଟିଛି। ଦିଲ୍ଳୀରେ ଏକ ହୋଟେଲକୁ ତାଙ୍କ ପରିବାର ସହ ଅସଦାଚରଣ କରିଥିବା ନେଇ ଅଭିଯୋଗ କରିଛନ୍ତି। ଅଙ୍କିତ ତିୱାରୀ କହିଛନ୍ତି ଯେ ହୋଟେଲର ସେବା ସମ୍ପୂର୍ଣ୍ଣ ଅଦରକାରୀ ଥିଲା। ଏହି କାରଣରୁ, ତାଙ୍କର ୩ ବର୍ଷର ଝିଅକୁ ରାତିସାରା ଭୋକରେ ରହିବାକୁ ପଡିଲା। ଏହା ସହ ସେ କହିଛନ୍ତି କି ହୋଟେଲରେ ରାତି ୧ଟା ପର୍ଯ୍ୟନ୍ତ ତାଙ୍କ ପାଖରେ ଖାଦ୍ୟ କିମ୍ବା ପାଣି ନଥିଲା । ଟୁଇଟ୍ କରିବା ସମୟରେ ଭିଡିଓ ସେୟାର କରି ଅଙ୍କିତ୍ ପୁରା ଦୁଃଖଦ ଘଟଣା ବିଷୟରେ ବର୍ଣ୍ଣନା କରିଛନ୍ତି । ବର୍ତ୍ତମାନ ଅଙ୍କିତ ତିୱାରୀ ଟ୍ୱିଟ୍ କରିବା ସହ ଭିଡିଓ ସେୟାର କରିଛନ୍ତି ଏବଂ କ୍ୟାପସନରେ ଲେଖିଛନ୍ତି – ‘ହୋଟେଲ ରୟାଲ ପ୍ଲାଜା, ନୂଆଦିଲ୍ଲୀ। ମୋ ପରିବାର ସହିତ ବନ୍ଧକ ଭଳି ଅନୁଭବ କରୁଛି । ଫାଇଭ୍‌ ଷ୍ଟାର ହୋଟେଲ ହେଲେ ନା ପିଇବା ପାଇଁ ପାଣି ଅଛି ନା ଖାଦ୍ୟ କିଛି ନାହିଁ । ଖାଦ୍ୟ ଅର୍ଡର ହେବାର ୪ ଘଣ୍ଟା ହୋଇଗଲାଣି । ଯଦି ବାହାରୁ ଖାଦ୍ୟ ଅର୍ଡର କରିବାକୁ ଅନୁମତି ନାହିଁ ତେବେ ଅନ୍ୟ କୌଣସି ବିକଳ୍ପ ନାହିଁ । ମୋ ଝିଅ ମାତ୍ର ତିନି ବର୍ଷର ତା ପାଇଁ ମଧ୍ୟ ଖାଇବା ଆସି ନଥିଲା। ଏହା ପରେ ମୁଁ ସେମାନଙ୍କ ଫୋନ୍‌ କରିଥିଲି ହେଲେ ସେମାନେ ଉଠାଇ ନଥିଲେ । ତଳକୁ ଯାଇ କର୍ମଚାରୀଙ୍କ ସହ କଥା ହୋଇଥିଲି  । ସେମାନେ ମୋ ସହିତ ଖରାପ ବ୍ୟବହାର କରିଥିଲେ । ଯଦି ଆପଣ କିଛି କୁହନ୍ତି, କର୍ମଚାରୀମାନେ ଏବଂ ବାଉନ୍ସର୍ମାନଙ୍କୁ ଧମକ ଦେଉଛନ୍ତି।