ଚିତ୍ତରଂଜନ ମୃତ୍ୟୁ ମାମଲା: ଆସିଲା ପୋଷ୍ଟମର୍ଟମ ରିପୋର୍ଟ

ପୁରୀ, ଡିସେମ୍ବର ୨୦ : ପୋଷ୍ଟମର୍ଟମ ରିପୋର୍ଟ ନିଶ୍ଚିତ କରିଛି ଯେ ପାଣିରେ ବୁଡିଯିବା କାରଣରୁ ଚିତ୍ତରଂଜନ ପାଲାଇଙ୍କ ମୃତ୍ୟୁ ଘଟିଛି। ଚିତ୍ତରଂଜନ ରାଜ୍ୟ ଯୋଜନା ବୋର୍ଡର ଉପାଧ୍ୟକ୍ଷ ସଞ୍ଜୟ ଦାସ ବର୍ମାଙ୍କର ପ୍ରମୁଖ ସହାୟକ ହୋଇଥିଲେ। ସୋମବାର ଅତିରିକ୍ତ ଜିଲ୍ଲା ଚିକିତ୍ସା ଅଧିକାରୀ (ଏଡିଏମଓ) ପ୍ରଣବ ଶଙ୍କର ଦାସ କହିଛନ୍ତି ଯେ ଚିତ୍ତରଂଜନ ପାଲାଇଙ୍କ ପୋଷ୍ଟମର୍ଟମ ରିପୋର୍ଟ ଆସିଛି ଏବଂ ରିପୋର୍ଟର ଅନୁସନ୍ଧାନରୁ ଜଣାପଡିଛି ଯେ ସେ ପାଣିରେ ବୁଡ଼ିଯିବା କାରଣରୁ ତାଙ୍କର ମୃତ୍ୟୁ ଘଟିଛି ।ଏହା ସହିତ ସେ କହିଛନ୍ତି ଯେ ପୋଷ୍ଟମର୍ଟମ ରିପୋର୍ଟକୁ ରାଜ୍ୟ ଫୋରେନସିକ୍ ଲ୍ୟାବ ଏବଂ ପୋଲିସକୁ ପଠାଯାଇଛି।ପୁରୀ ଜିଲ୍ଲାର ବ୍ରହ୍ମଗିରି ତହସିଲର ସାନାବନ୍ଦକେରା ଗାଁର ମୂଳ ବାସିନ୍ଦା ଚିତରଞ୍ଜନଙ୍କୁ ଡିସେମ୍ବର ୧୩ ରେ ପୁରୀ ଜିଲ୍ଲାର ନୁଆନଇ ନିକଟରେ ରହସ୍ୟମୟ ଅବସ୍ଥାରେ ମୃତଦେହ ମିଳିଥିଲା। ମୃତକଙ୍କ ପରିବାର ସଦସ୍ୟଙ୍କ ଅଭିଯୋଗ ଆଧାରରେ ସଦର ପୋଲିସ ଏକ ହତ୍ୟା ମାମଲା ରୁଜୁ କରିଥିଲା। ତେବେ ମାମଲାର ଗୁରୁତ୍ୱକୁ ଦେଖି ଡିସେମ୍ବର ୧୫ ରେ, ପୋଲିସ ମହାନିର୍ଦ୍ଦେଶକ (ଡିଜିପି) ତଦନ୍ତକୁ ରାଜ୍ୟ କ୍ରାଇମ ବ୍ରାଞ୍ଚକୁ ହସ୍ତାନ୍ତର କରିଥିଲେ। ଡିଏସପି ସିସିର କୁମାର ମିଶ୍ରଙ୍କ ନେତୃତ୍ୱରେ ଏକ ଚାରିଜଣିଆ କ୍ରାଇମ ବ୍ରାଞ୍ଚ ଦଳ ବର୍ତ୍ତମାନ ମାମଲାର ତଦନ୍ତ କରୁଛନ୍ତି।