Headlines Odisha Tv

An Odia News Portal

ଖୁବ୍ ଶୀଘ୍ର ନୂଆ ନିୟମ କରିବ ଆଇସିସି

ଦୁବାଇ,୧୦/୦୨: ଅନ୍ତର୍ଜାତୀୟ କ୍ରିକେଟ୍‌ରେ କିଛି ଚର୍ଚ୍ଚିତ ତଥା ବିବାଦୀୟ ନିୟମକୁ ଆଇସିସି ଖୁବ୍‌ ଶୀଘ୍ର ପରିବର୍ତ୍ତନ କରିବାକୁ ଯାଉଛି । ଦୀର୍ଘ ଦିନ ଧରି ଆଲୋଚନାର କେନ୍ଦ୍ରବିନ୍ଦୁ ସାଜିଥିବା ‘ମଙ୍କଡ୍‌ ଆଉଟ୍‌’କୁ ଆଇସିସି ସବୁଜ ସଂକେତ ଦେଇଥିବାବେଳେ କ୍ୟାଚ୍‌ ଆଉଟ୍‌, ଫିଲ୍ଡ ସଜ୍ଜା ନିୟମରେ ମଧ୍ୟ କିଛି ପରିବର୍ତ୍ତନ କରାଯାଇଛି । ମୋଟ୍‌ ଉପରେ ୯ଟି ନୂଆ ଏବଂ ପରିବର୍ତ୍ତିତ ନିୟମ ଲାଗୁ କରିବାକୁ ଆଇସିସି ନିଷ୍ପତ୍ତି ନେଇଛି । ଆସନ୍ତା ଅକ୍ଟୋବର ମାସ ୧ ତାରିଖରୁ ସମସ୍ତ ନୂଆ ନିୟମ କାର୍ଯ୍ୟକାରୀ କରାଯିବ । ଦୀର୍ଘ ଦିନରୁ ‘ମଙ୍କଡ୍‌ ଆଉଟ୍‌’କୁ ସମାଲୋଚନା କରାଯାଉଥିଲା । କୌଣସି ବ୍ୟାଟରକୁ ମଙ୍କଡ୍‌ ଆଉଟ୍‌ କରିବା ଖେଳୁଆଡ ମନୋଭାବର ପରିଚୟ ନୁହେଁ ବୋଲି ସର୍ବଦା ମତ ପ୍ରକାଶ ପାଉଥିଲା । ଆଇସିସି ଏହି ନିୟମକୁ ଅପରିବର୍ତ୍ତିତ ରଖିଛି । କେବଳ ଧାରା ୪୧ରୁ ଏହାକୁ ବାଦ ଦିଆଯାଇ ଧାରା ୩୮ବର୍ଗରେ ସାମିଲ କରାଯାଇଛି । ଅର୍ଥାତ ଏଣକି ରନ୍‌ ଆଉଟ୍‌ ନାମରେ ପରିଚୟ ପାଇବ ‘ମଙ୍କଡ୍‌ ଆଉଟ୍‌’ । ବୋଲର ଜଣକ ବଲ୍‌ ପକାଇବା ପୂର୍ବରୁ ବୋଲିଂ ୱିକେଟ୍‌ ପଟେ ଥିବା ବ୍ୟାଟର ଆଗୁଆ କ୍ରିଜ୍‌ ଛାଡ଼ିଲେ ବୋଲର ଜଣକ ତାଙ୍କୁ ଆଉଟ୍‌ କରିପାରିବେ । ଏହା ‘ରନ୍‌ ଆଉଟ୍‌’ରେ ଗଣନା କରାଯିବ । ମଙ୍କଡ୍‌ ଆଉଟକୁ ଏଣିକି ‘ଅନୁପଯୁକ୍ତ ଖେଳ’ ଶ୍ରେଣୀଭୁକ୍ତ କରାଯିବ ନାହିଁ ।

You may have missed

1 min read
1 min read