Headlines Odisha Tv

An Odia News Portal

ଆମେରିକା ଉପରାଷ୍ଟ୍ରପତି କମଲା ହାରିସ୍‌ କରୋନା ସଂକ୍ରମିତ

ନୂଆଦିଲ୍ଳୀ ୨୭।୦୪ : ଆମେରିକା ଉପରାଷ୍ଟ୍ରପତିଙ୍କୁ କରୋନା । ଦୁଇଟି ବୁଷ୍ଟର ଡୋଜ୍‌ ନେବା ପରେ ବି କରୋନାରେ ସଂକ୍ରମିତ ହୋଇଛନ୍ତି ଆମେରିକା ଉପରାଷ୍ଟ୍ରପତି କମ୍‌ଲା ହାରିସ । ରିପୋର୍ଟ ପଜିଟିଭ୍‌ ଆସିବା ପରେ ଉପରାଷ୍ଟ୍ରପତି କମଲା ହାରିସ ନିଜକୁ କ୍ୱାରେଣ୍ଟାଇନ୍‌ରେ ରଖିଛନ୍ତି । ଏହାସହିତ ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଟେଷ୍ଟ କରାଇବାକୁ ଅପିଲ ମଧ୍ୟ କରିଛନ୍ତି । ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଉପରାଷ୍ଟ୍ରପତିଙ୍କ ଠାର୍‌ କରୋନାର ହଲ୍‌କା ଲକ୍ଷଣ ଦେଖାଯାଇଥିଲା । ଏହାପରେ ତୁରନ୍ତ ତାଙ୍କର ରାପିଡ୍‌ ଓ ପିସିଆର୍‌ ଟେଷ୍ଟ କରାଯାଇଥିଲା । ଯେଉଁଥିରେ ସେ କରୋନା ସଂକ୍ରମିତ ହୋଇଥିବା ସ୍ପଷ୍ଟ ହୋଇଥିଲା । ଉପରାଷ୍ଟ୍ରପତି କରୋନାରେ ସଂକ୍ରମିତ ହେବା ପରେ ବିଶ୍ରାମ ନେବାକୁ ଡାକ୍ତରମାନେ ପରାମର୍ଶ ଦେଇଛନ୍ତି । ତେବେ ଡାକ୍ତରଙ୍କ ମୁତାବିକ, କମଲା ହାରିସଙ୍କ ଠାରେ କରୋନାର କୌଣସି ଗମ୍ଭୀର ଲକ୍ଷଣ ନାହିଁ । କିନ୍ତୁ ତାଙ୍କୁ କ୍ୱାରେଣ୍ଟାଇନ୍‌ରେ ରହିବାକୁ ପରାମର୍ଶ ଦିଆଯାଇଛି । ଦୁଇଟି ବୁଷ୍ଟର ଡୋଜ୍‌ ନେବା ପରେ ବି କରୋନାରେ ଆକ୍ରାନ୍ତ ହୋଇଛନ୍ତି ଉପରାଷ୍ଟ୍ରପତି । ତେବେ ଯେଉଁମାନ ତାଙ୍କ ସଂସ୍ପର୍ଶରେ ଆସିଛନ୍ତି । ସେମାନଙ୍କୁ ତୁରନ୍ତ ପରୀକ୍ଷା କରିବାକୁ କହିଛନ୍ତି କମଲା ହାରିସ ।

You may have missed

1 min read
1 min read