ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଉରକେଲା ଗସ୍ତ

ଭୁବନେଶ୍ୱର,ସେପ୍ଟେମ୍ବର ୧୪ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ରାଉରକେଲା ଗସ୍ତ କରିବେ । ସେ ପୂର୍ବାହ୍ନ ୧୦ଟାରେ ଭୁବନେଶ୍ଵର ସ୍ଥିତ ବିଜୁ ପଟ୍ଟନାୟକ ବିମାନବନ୍ଦରରୁ ସ୍ଵତନ୍ତ୍ର ବିମାନ ଯୋଗେ ବାହାରି ଦିନ ୧୧ଟାରେ ରାଉରକେଲା ଏୟାରଷ୍ଟ୍ରିପ୍‌ରେ ପହଞ୍ଚିବା ପରେ ସେ ରାଉରକେଲା ଷ୍ଟିଲ ପ୍ଲାଣ୍ଟର ସୁପରସ୍ପେଶାଲିଟି ହସ୍ପିଟାଲ ଅଡିଟୋରିୟମରେ ହେବାକୁ ଥିବା କାର୍ଯ୍ୟକ୍ରମରେ ଯୋଗ ଦେବେ । ସେଠାରେ ମୁଖ୍ୟମନ୍ତ୍ରୀ ୩୮୦ କୋଟି ଟଙ୍କାର ପ୍ରକଳ୍ପର ଭଦ୍‌ଘାଟନ ଏବଂ ୨୧୦ କୋଟି ଟଙ୍କାର ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । 

ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ପୂର୍ବରୁ ପ୍ରାୟ ୧୭ ଜଣ ମନ୍ତ୍ରୀଙ୍କୁ ଜିଲ୍ଲାର ବିଭିନ୍ନ ବ୍ଲକ ଦାୟିତ୍ୱ ବଣ୍ଟାଯାଇଛି । ମୁଖ୍ୟମନ୍ତ୍ରୀ ରାଉରକେଲାରୁ ଫେରିବା ପରେ ମନ୍ତ୍ରୀମାନେ ବିଭିନ୍ନ ବ୍ଲକକୁ ଯାଇ ହେଲଥ କାର୍ଡ ବଣ୍ଟନ କରିବେ ବୋଲି ଜଣାପଡ଼ିଛି । ମାଲକାନାଗିରି ପରେ ଏହା ମୁଖ୍ୟମନ୍ତ୍ରୀଙ୍କ ଦ୍ବିତୀୟ କାର୍ଯ୍ୟକ୍ରମ ଏହି ସ୍ଵାସ୍ଥ୍ୟ କଲ୍ୟାଣ ଯୋଜନାରୁ ସୁନ୍ଦରଗଡ ଜିଲ୍ଲାର ୪ଲକ୍ଷ ୩୬ ହଜାର ୯୪୮ ପରିବାରର ୧୫ ଲକ୍ଷ ୯ ହଜାର ୮୨୧ ଜଣ ସୁଫଳ ପାଇବେ ବୋଲି ରାଜ୍ୟ ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ କହିଛନ୍ତି ।

ତେବେ ଭାରତୀୟ ଜନତା ପାର୍ଟି ରବିବାର ଦିନ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା (ବିଏସକେ) ଅଧୀନରେ ସ୍ମାର୍ଟ ସ୍ୱାସ୍ଥ୍ୟ କାର୍ଡ ବଣ୍ଟନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଧାରିତ ରାଉରକେଲା ଗସ୍ତକୁ ବିରୋଧ କରିବ ବୋଲି ରବିବାର ଦିନ କହିଛି। ଦଳର ପାନପୋଶ ସାଂଗଠନିକ ଜିଲ୍ଲା ସଭାପତି ଲାଟିକା ପଟ୍ଟନାୟକ ଶାସକ ଦଳକୁ ସରକାରୀ ଯନ୍ତ୍ରପାତି ଏବଂ ଜିଲ୍ଲା ମିନେରାଲ ଫାଉଣ୍ଡେସନ (ଡିଏମଏଫ) ପାଣ୍ଠିର ଅପବ୍ୟବହାର କରିଥିବା ଅଭିଯୋଗ କରିଛନ୍ତି। ବିଭିନ୍ନ କ୍ଷେତ୍ରରେ ସରକାରଙ୍କ ଅପାରଗତା, ବ୍ୟାପକ ଦୁର୍ନୀତିରେ ଲିପ୍ତ ରହିବା ଏବଂ ରାଉରକେଲା ତଥା ସୁନ୍ଦରଗଡର ବିକାଶର ପ୍ରତିଶ୍ରୁତି ପାଳନ କରିବାରେ ବିଫଳ ହେବା ଉପରେ ସେ ଅଙ୍ଗୁଳି ନିର୍ଦ୍ଦେଶ କରିଥିଲେ।