ଅଜିତ ପାୱାରଙ୍କ ପାଇଁ ବଢ଼ିଲା ଅଡୁଆ, ୧୦୦୦ କୋଟିର ସମ୍ପତି ଜବତ କଲା ଆୟକର ବିଭାଗ

ମୁମ୍ବାଇ ,ନଭେମ୍ବର ୦୨ : ମହାରାଷ୍ଟ୍ରରେ ଆୟକର ବିଭାଗ ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ୧୦୦୦ କୋଟି ଟଙ୍କା ସମ୍ପତ୍ତି ଜବତ କରିଛି । ଆଇଟି ବିଭାଗ ମୁମ୍ବାଇର ନରିମାନ ପଏଣ୍ଟରେ ନିର୍ମଳ ଟାୱାର ସମେତ ପାଞ୍ଚଟି ସମ୍ପତ୍ତିକୁ ଜବତ କରିଛି । ଗତ ମାସରେ ପାୱାର ଭଉଣୀଙ୍କ ଘର ଏବଂ କମ୍ପାନୀ ଉପରେ ମଧ୍ୟ ବିଭାଗ ଚଢାଉ କରିଥିଲା।  ଏହାପୂର୍ବରୁ ଆୟକର ବିଭାଗ ମୁମ୍ବାଇର କିଛି ରିଅଲ ଇଷ୍ଟେଟ୍ ବ୍ୟବସାୟୀ ଏବଂ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ପରିବାର ସଦସ୍ୟଙ୍କ ଅଧୀନରେ ୧୮୪ କୋଟି ଟଙ୍କା ମୂଲ୍ୟର ଅଗଣିତ ସମ୍ପତ୍ତି ପାଇଥିଲା । କେନ୍ଦ୍ରୀୟ ବୋର୍ଡ ଅଫ୍ ଡାଇରେକ୍ଟର ଟ୍ୟାକ୍ସ ଏକ ବିବୃତ୍ତିରେ କହିଛନ୍ତି ଯେ, ଅକ୍ଟୋବର ୭ ରେ ମୁମ୍ବାଇ, ପୁଣେ, ବାରାମାଟି, ଗୋଆ ଏବଂ ଜୟପୁରରେ ପ୍ରାୟ ୭୦ ଟି ସ୍ଥାନରେ ଚଢାଉ କରାଯାଇଥିଲା। ଯାହାଫଳରେ ଅନେକ ବେନାମୀ କାରବାର ମଧ୍ୟ ଚିହ୍ନଟ ହୋଇଛି, ଯାହା ପ୍ରମାଣ ଭାବରେ ରଖାଯାଇଛି। ଠିକ୍ ସମୟରେ କାର୍ଯ୍ୟ ଗ୍ରହଣ କରାଯିବ । 

ଏହି ଚଢାଉ କରିବା ଘଟଣାରେ ମହାରାଷ୍ଟ୍ରର ଡେପୁଟି ସିଏମ୍ ଅଜିତ ପାୱାର ଗଣମାଧ୍ୟମକୁ କହିଛନ୍ତି ଯେ, ଆଇଟି ବିଭାଗ ତାଙ୍କ ତିନି ଭଉଣୀଙ୍କ ଘର ଉପରେ ଚଢାଉ କରିଛନ୍ତି । ସେମାନଙ୍କ ମଧ୍ୟରୁ ଜଣେ କୋଲହାପୁର ଜିଲ୍ଲାରେ ଏବଂ ଅନ୍ୟ ଦୁଇଜଣ ମହାରାଷ୍ଟ୍ରର ପୁଣେ ଜିଲ୍ଲାରେ ରୁହନ୍ତି। ତେବେ ଏ ଘଟଣାକୁ ନେଇ ରାଜ୍ୟ ରାଜନୀତି ସରଗରମ ହୋଇ ଉଠିଛି ।